ТРАНСПОРТНИ ВЕСТИ СОСТОЈБА: СООБРАЌАЈОТ НА ДРЖАВНИТЕ ПАТИШТА СЕ ОДВИВА ПО СУВИ КОЛОВОЗИ

СОСТОЈБА: СООБРАЌАЈОТ НА ДРЖАВНИТЕ ПАТИШТА СЕ ОДВИВА ПО СУВИ КОЛОВОЗИ

СОСТОЈБА: Сообраќајот на државните патишта се одвива по суви коловози

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

РАБОТИ НА ПАТ:

СТРАБАГ АГ известува дека од 24.08.2021, поради изведување градежни активности на експресен пат А4 Штип-Радовиш, од 17:00 часот сообраќајот на потег Бучим – Радовиш, ќе се изведува по паралелен пат со ограничена брзина од 30 до 60 км/ч. Пренасочувањето се врши поради изведување на асфалтерски работи на истиот потег на главниот пат.

Прекин на сообраќајот за сите типови на возила, почнувајќи од 06.08.2021, од 09 до 15 часот, поради изведувње на градежно асфалтерски работи на регионалниот пат Р2335 Житоше-Кривогаштани.

СТРАБАГ АГ известува дека врз основа на Одобрение за времена на измена на режим на сообраќај на државен пат А1 делница Велес – Неготино, за на изградба на клучка Градско како дел од автопат А1 издадено од Министерство за транспорт и врски на 22.07.2021 со број 11-уп/52/4, на претходно поменатата делница ќе се изведуваат градежни работи и во следните 12 месеци ќе се применува времена измена на режимот на сообраќај.

Синтек Инженеринг ДООЕЛ известува дека согласно одобрението за затварање на сообраќај со број 11-3431/4 од 23.07.2021 година, заради санациони работи, мостот над река Пчиња, (Доброшане) во наредните 100 дена ќе биде затворен за сообраќај. Се поставува сигнализација која ќе го регулира сообраќајот од и кон Куманово.

СТРАБАГ АГ известува дека почнувајќи од 21.07.2021 година, целосно ќе биде затворен сообраќајот на делницата помеѓу клучките Штип - Запад до клучка Штип - Југ. Сообраќајот ќе биде пренасочен на веќе постоечкиот Регионален пат кој минува низ Штип преку Ново Село до клучка Штип-југ.

ДГТ Жикол ги известува сите возачи дека заради изведување на градежни работи на патниот правец Миладиновци - Свети Николе - Штип, односно на делниците Кадрифаково и Преод, заради изградба на наплатните станици од 06.05.2021 г. сообраќајот се одвива согласно одобрениот времен режим на сообраќај.

ЕСКАВАТОРИ- МК ДООЕЛ СКОПЈЕ известува дека од 21.04.2021 година, почната е рехабилитација на државен пат А2, делница : Куманово- Страцин дел 1: од KM 0+000.00 до KM 15+195,85

Дтг Жикол Дооел Струмица ги известува сите возачи дека поради рехабилитација на мост број 3 на регионален пат Р1103, делница: Лакавица - Неготино, 2-ра фаза, од 24.03.2021 се забранува движење за сите видови на возила, односно целосно ќе се затвори сообраќајот на овој патен правец во времетраење од 5 месеци.

ДГ Бетон АД - Скопје известува дека се изведуваат градежни работи за рехабилитација со проширување на Државен пат А1, делница Петровец - Катланово (лев и десен коловоз), односно од км. 37+046.94 до км. 41+798.92 во правец од Петровец кон Катланово и од 23+271.08 до 28+460.76 во правец од Катланово кон Петровец. На местото на изведување на градежните работи се одвива времен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

На патниот правец Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Од 28.09.2020 г. ГД Гранит започна со изведба на рехабилитација на регионалниот пат Р1303, секција Кичево - Македонски Брод, во вкупна должина од 26 км. Рокот за завршување на објектот е 31.07.2021 година. Ќе се изведуваат делница по делница во должина од 1 км. Сообраќајот при изведување на работите ќе се одвива по една сообраќајна лента и ќе се регулира со пропуштање на возила координирано со знаменца.

ГД Гранит АД Скопје известува дека согласно издаденото одобрение за времен режим на сообраќај за време на реконструкција и рехабилитација на државен пат А2, делница Крива Паланка – ГП Деве Баир , во период од 11.05.2020 г. до 02.2022 г. со основниот проект за изведба се предвидува стругање и асфалтирање на постоечкиот коловоз како и проширување т.е изработка на трета лента на постоечкиот пат. Во текот на работното време регулирањето ке се изведува со работници, а по завршувањето на работното време, регулирањето ќе се врши со светлосна сигнализација - семафори (од Крива Паланка кон граничен премин Деве Баир).

Од 21.08.2020 година, ГД Гранит АД Скопје изведува рехабилитација и реконструкција на регионален пат Р1205, делница Крупиште – Пробиштип. Поради тоа се врши измена на режимот на сообраќај, од крстосница со регионален пат Р2230, до влез во Пробиштип. Односно сообраќајот се пренасочува од мостот на р. Киселица кај клучка за с. Злетово, преку с. Ратавица до Пробиштип и обратно. Од особена важност е ова преносочување да го почитуваат возачите на тешки товарни возила кои транзитираат по овој пат.

РАБОТИ НА ПАТ ВО СКОПЈЕ:

Ве известуваме дека на ден 25.08.2021година (среда) поради изведување на градежни работи на дел од бул.Киро Глигоров, на потег од крстосноца со ул. Перо Наков до крстосница со ул. 15ти Корпус, ќе има измени на режимот за сообраќај односно комплетно затварање на коловозната лента каде што сообраќајот ќе биде пренасочен на спротивната коловозна лента и ќе се изведува двонасочно со поставување на соодветна сообраќајна сигнализација и опрема.
 



Времена измена на режим на сообраќај има на регионалниот пат Р1101 делница Прилеп - Битола заради изведување на градежни...

ВРЕМЕН РЕЖИМ НА СООБРАЌАЈ: Времена измена на режим на сообраќај на регионален пат Р1101 делница Прилеп - Битола зар...

ВРЕМЕН РЕЖИМ НА СООБРАЌАЈ: Времена измена на режим на сообраќај на државен пат Р1101 делница Прилеп - Битола заради...

ВРЕМЕН РЕЖИМ НА СООБРАЌАЈ: Времена измена на режим на сообраќај на државен пат Р1101 делница Прилеп - Битола заради...

Сите вести »

 




CargoAgent.net - БЕРЗА ЗА ТРАНСПОРТ И ТОВАРИ


Каргоагент.нет е веб систем кој што ви предлага услуги во областа на транспортот и шпедицијата за фирми од Македонија, Балканот и од цела Европа.
Ние создаваме електронски решенија за менаџерите на транспортни, шпедиторски и трговски фирми, кои ќе помогнат за исполнување на вашите задачи побрзо, полесно и поефикасно.




dhl freight macedonia doo logo

Категорија на фирмата: Други
Град: 1000 Скопје,
Држава:MK - Македонија



Категорија на фирмата: Транспортна фирма / Превозник
Град: Скопје,
Држава:MK - Македонија


CargoAgent.NET За контакт:
Бугарија, Софија
Телефони: +359 2 492 02 55, +359 888 366 366
Ел. пошта: info@cargoagent.net
Skype: cargoagent_support
Facebook: Cargoagent Net
Google+: CargoAgent.Net


Понеделник - Петок (9:00 - 18:00)

Copyright (c) Cargoagent.NET