ТРАНСПОРТНИ ВЕСТИ СОСТОЈБА: СООБРАЌАЈОТ НА ДРЖАВНИТЕ ПАТИШТА СЕ ОДВИВА ПО ПРЕТЕЖНО СУВИ КОЛОВОЗИ.

СОСТОЈБА: СООБРАЌАЈОТ НА ДРЖАВНИТЕ ПАТИШТА СЕ ОДВИВА ПО ПРЕТЕЖНО СУВИ КОЛОВОЗИ.

СОСТОЈБА: Сообраќајот на државните патишта се одвива по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

РАБОТИ НА ПАТ:

Од 28.09.2020 г. ГД Гранит ќе започне со изведба на рехабилитација на регионалниот пат Р1303, секција Кичево - Македонски Брод, во вкупна должина од 26 км. Рокот за завршување на објектот е 31.07.2021 година. Ке се изведуваат делница по делница во должина од 1 км. Сообракајот при изведување на работите ке се одвива по една сообракајна лента, сообракајот ке се регулира со пропуштање на возила координирано со знаменца.

ГД Гранит АД Скопје известува дека согласно издаденото одобрение за времен режим на сообраќај за време на реконструкција и рехабилитација на државен пат А2, делница Крива Паланка – ГП Деве Баир , во период од 11.05.2020год. до 02.2022 год. со основниот проект за изведба се предвидува стругање и асфалтирање на постоечкиот коловоз како и проширување т.е изработка на трета лента на постоечкиот пат. Во текот на работното време регулирањето ке се изведува со работници, а по завршувањето на работното време, регулирањето ќе се врши со светлосна сигнализација - семафори (од Крива Паланка кон граничен премин Деве Баир). На овој патен правец во претстојниот период ќе се интензивираат работите на пат и препорачуваме прилагодена брзина на движење и почитување на веќе поставената сообраќајна сигнализација.

Од 21.09.2020 ќе се започне со изведување на градежни активности при рехабилитација на државен пат Р1202 (Р409), делница Маврови Анови - Жировница, односно од Маврови Анови до с.Трница, за што ќе се изврши промена на режимот на сообраќај, во времетраење од 90 дена.

Виадукт трејд од 16.09.2020 г. започна со изведување на грaдежни активности, санирање на свлечиште на Регионален пат Р1202, делница Жировница - Бошков Мост кај с. Скудриње , каде што едната сообраќајна лента ќе биде затворена, регулирањето на сообраќајот ќе се одвива со светлосна сообраќајна сигнализација (семафори). Во период од 10:00 до 14:00 часот ќе се врши комплетно затворање на сообраќај за што ќе има промена на режимот на сообраќај во временски период од 45 дена.

Од 21.08.2020 година, ГД Гранит АД Скопје изведува рехабилитација и реконструкција на регионален пат Р1205, делница Крупиште – Пробиштип. Поради тоа се врши измена на режимот на сообраќај, од крстосница со регионален пат Р2230, до влез во Пробиштип. Односно сообраќајот се пренасочува од мостот на р.Киселица кај клучка за с.Злетово, преку с.Ратавица до Пробиштип и обратно. Од особена важност е ова преносочување да го почитуваат возачите на тешки товарни возила кои транзитираат по овој пат. Одобрението е со важност од шест месеци, односно до комплетирање на сите работи.

Заради извршување на санациско градежни работи од 28.07.2020 година, на патниот правец Неготино - Лакавица има забрана за движење на тешки товарни возила чија вкупна маса преминува 3.5 тони. Се препорачува почитување на патната сигнализација за сите учесници во сообраќајот на овој патен правец.

Виадукт трејд известува дека на ден 25.05.2020 ќе се започне со изведување на градежни активности при рехабилитација на дел од Државен пат А2 – потег од БС Виена Петрол/Куманово до с. Страцин, во должина од 16км, за што ќе се изврши промена на режимот на сообраќај,во времетраење од шест до девет месеци.

Викториа Инвест ДОО Елбасан Подружница Скопје изведува градежни работи на автопат Кичево – Охрид, делница 4 и 5. На делница 5 Подмоље – Охрид ќе има измена на режим на сообраќај соодветно обележано со сообраќајни знаци. Измената започнува на 20.03.2020 год. и ќе трае до завршување на работите поради кои е утврдена потребата од измената.

Штрабаг АГ известува дека изведува градежни активности на експресен пат А4 делница Штип – Радовиш. Се препорачува до возачите внимателно да пристапуваат на оваа делница и да ја почитуваат поставената сообраќајна сигнализација.

Г. П. Илинден - Струга известува дека поради изведување на градежни работи, изградба на натпатник за ТИРЗ зоната Струга на регионалниот патен правец А2 с.Подмоље – Струга има времен режим на сообраќајот. На самото место има поставена соодветна сообраќајна сигнализација.

СОСТОЈБА - СКОПЈЕ:

На 16.10.2020 (петок) во времето од 11.00 до 14.00 часот ќе има времен прекин на сообраќајот на ул. “Даме Груев“, а во време од 14.00 до 18.00 часот на ул.„Димитрие Чуповски“,кај автобуската постојка спроти театарот за деца и млади и во времето од 14.00 до 17.00 часот на бул. “ВМРО“ на автобуската постојка пред Пошта на Северна Македонија. Исто така, на 17.10. (сабота) во времето од 14.00 до 17.00 часот ќе има времен прекин на сообраќајот на бул.„ВМРО“ на истата локација и во времето од 20.00 до 23.00 часот на бул.„Партизански одреди“ (кај првата автобуска постојка од страна на хотел „Дувет“ до пред ул. „Аминта Трети“) во Скопје. И на 18/19.10. (недела/понеделник) во времето од 17.00 до 01.00 часот на ул.„Св. Кирил и Методиј“ од паркинг и автобуска постојка пред влезот на ТЦ „Рамстор“ до НЛБ Банка, информираат од МВР.

Од тие причини Одделението за безбедност на патниот сообраќај ќе преземе мерки за посебен режим на сообраќајот на овие сообраќајници, а сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници. додаваат тие.

Според информација од ЦУКС Скопје известуваме дека од 15.10.2020 (четврток) до завршување на активностите за реконструкција на коловозот на бул. Александар Македонски, на оваа делница е воведен нов времен режим на сообраќај. Од к-цата на бул. Александар Македонски и улицата 16-та Македонска бригада едната сообраќајна лента (брзата крајна лева) од правецот Куманово-Скопје, за влез во Скопје, ќе се пренамени за излез од градот, додека другите две што се упатуваат кон клучката Континентал, возачите можат да ги користат за влез во градот. Апелираме до сите учесници во сообраќајот да бидат внимателни и да ја прилагодат својата брзина на движење според условите на патот.

ЦУКС известува дека екипите на ЈП Улици и патишта, во текот на утрешниот ден (02.10.2020г петок) ќе монтираат портални семафорски столбови на бул. АСНОМ во општина Аеродром. Монтажата на новата семафорска сигнализација ќе почне во 9 часот наутро и ќе трае до завршување на активностите, па оттука на овој потег ќе биде воведен времен сообраќаен режим. Центарот апелира до сите учесници во сообраќајот да бидат внимателни и да ја прилагодат својата брзина на движење според условите на патот.

На ден 05.10.2020 ќе се започне со изведување на градежни активности на дел од ул. 11 Октомври, на потег од крстосница со бул. Кочо Рацин до ул. Филип Втори Македонски во фази. Во втора фаза ќе бидат затворени трите сообраќајни ленти во правец на движење од ул. Филип Втори Македонски (Собрание) до бул. Кочо Рацин. Левата сообраќајна лента од правец на движење од бул. Кочо Рацин кон ул. Филип Втори Македонски ќе биде наменета за движење на возилата од спротивна насока, односно за возилата кои што се движат од ул. Филип Втори Македонски кон бул. Кочо Рацин.

На 19.09.2020 година од 06:20 часот кај клучка Орман, на обиколница Велес-Тетово, поради изведување на градежни работи, сообраќајот ќе се пренасочува по стариот пат низ с.Волково.

На ден 14.09.2020 година, ДПТУ Ескаватори-Мк Дооел Скопје, ќе започне со изведување на градежни активности (реконструкција) на ул. „Џон Кенеди“ од бул. „Македонско Косовска Бригада“ до бул. „Христијан Тодоровски Карпош“.

На ден 29.06.2020 година ќе се започне со изведување на градежни активности односно геомеханички истражни работи (бушотини кои ќе се изведуваат од 2-3 часа) на ул. "Лазар Личеноски" Скопје, за што ќе се изврши промена на режимот на сообраќај.

На ден 29.06.2020 година ќе се започне со изведување на грaдежни активности односно геомеханички истражни работи (бушотини) на ул. "Самоилова" Скопје, за што ќе се изврши промена на режимот на сообраќај.

ЦУКС известува дека од четврток 25.06.2020 година, поради градежни активности на коловозот на бул. Борис Трајковски, со соодветна сигнализација, ќе биде воведен времен сообраќаен режим. Градежните работи за поставување топлинска и гасоводна мрежа, што ќе ги изведува БЕГ, ќе го опфатат потегот од семафорите кај Општина Кисела Вода до раскрсницата со ул. Народни херои, во крајната десна сообраќајна лента во насока на движење од Центар кон населба Драчево. Времениот режим на сообраќај ќе важи до завршување на градежните работи, а Центарот апелира до сите учесници во сообраќајот да бидат внимателни и да ја приспособат својата брзина на движење според условите на патот.

ЦУКС известува дека од 22.06.2020 (понеделник), поради извршување геомеханички истражни работи на коловозот на булеварот Никола Карев, односно познатата Пластичарска улица, како и на булеварот Свети Климент Охридски, во наредните петнаесеттина денови ќе биде воведен времен сообраќаен режим. Измената на сообраќајниот режим ќе се воведе на дел од бул. Св. Климент Охридски во близина на крстосницата со бул. Илинден кај зградата на Владата, додека на бул. Никола Карев со сообраќајна сигнализација и физичка регулација ќе биде изменет режимот на сообраќај на крајната десна лента на потегот од крстосницата со ул. Македонско-косовска бригада до крстосницата кај Качанички пат. Времениот режим на сообраќај ќе важи до завршување на работите на терен, а Центарот апелира до сите учесници во сообраќајот да бидат внимателни и да ја приспособат својата брзина на движење според условите на патот.



НАЈАВА ЗА ПРИВРЕМЕН ПРЕКИН: На 4.12.2020 г. (петок) поради изведување на градежни активности (минирање) на патниот ...

 На 4.12.2020 г. (петок) поради изведување на градежни активности (минирање) на патниот правец А2 Кичево - Охрид, д...

На граничните премини, од македонска страна, нема подолги задржувања за влез и за излез од државата.ВНИМАТЕЛНО: АМС...

ЗИМСКА ОПРЕМА: Од 15.11.2020 година започнува законската обврска за задолжително поседување на зимска опр...

Сите вести »

 




CargoAgent.net - БЕРЗА ЗА ТРАНСПОРТ И ТОВАРИ


Каргоагент.нет е веб систем кој што ви предлага услуги во областа на транспортот и шпедицијата за фирми од Македонија, Балканот и од цела Европа.
Ние создаваме електронски решенија за менаџерите на транспортни, шпедиторски и трговски фирми, кои ќе помогнат за исполнување на вашите задачи побрзо, полесно и поефикасно.




dhl freight macedonia doo logo

Категорија на фирмата: Други
Град: 1000 Скопје,
Држава:MK - Македонија



Категорија на фирмата: Транспортна / Шпедитерска фирма / Логистичка фирма
Град: 1407 Sofia,
Држава:BG - Бугарија


CargoAgent.NET За контакт:
Бугарија, Софија
Телефони: +359 2 492 02 55, +359 888 366 366
Ел. пошта: info@cargoagent.net
Skype: cargoagent_support
Facebook: Cargoagent Net
Google+: CargoAgent.Net


Понеделник - Петок (9:00 - 18:00)

Copyright (c) 2007-2013 Cargoagent.NET