ВНИМАТЕЛНО: АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово - Стража, Демир Капија – Удово, Виница – Берово и Кочани - Делчево, каде е можна почеста појава на одрони. 

ИНФОРМАЦИЈА : Според порталот Курир, Македонското Министерството за внатрешни работи добило известување дека поради штрајк на грчките цариници, граничните премини со Македонија ќе бидат затворени до 23-ти месецов.

Имено, граничниот премин Евзони е затворен од 6 часот утринава и ќе биде затворен до 6 часот на 23-ти месецов (понеделник). Пропуштања на возила ќе има по 15 минути после секои два часа прекин.

Граничниот премин Ники кај Меџитлија е затворен од 7:30 утринава до 8 часот наутро на 23-ти. Овој граничен премин може да се помине само пеш, сообраќајот за сите видови на возила ќе биде во прекин.

И граничниот премин кај Стар Дојран ќе биде затворен до 6 часот наутро на 23-ти. Возила ќе се пропуштаат во исклучителни ситуации, а границата ќе може да се мине само пеш.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

ПРЕНАСОЧУВАЊЕ НА СООБРАЌАЈ: На регионалниот пат Р-2137 пред населено место Војшанци поради деформации на мостот сообраќајот ќе се пренасочува (за возила со вкупна маса над 5тона) преку мост на река Вардар, врска А1 со Р-2137 (Д.Капија – Корешница – Војшанци).

РАБОТИ НА ПАТ: 

За потребите за изработка на проектната документација за реконструкција и рехабилитација на државниот пат А2 делница Крива Паланка – Деве Баир ( граница со Р.Бугарија ) ќе се започне со преземање активности, односно геодетско снимање на потегот 5 км пред граничен премин Деве Баир ( на коловозот со три ленти ), кои ќе се изведуваат во период од 16.05.2016 до 15.06.2016 во временски период од 07:00 – 17:00 часот. Во текот на извршување на работите сообраќајот ќе се одвива непречено.

На патниот правец А1 автопат Велес – Скопје пред наплатната станица Отовица се извршуваат градежни работи на пат – изградба на краци за приклучување и исклучување на автопатот. На самото место поставена е соодветна сообраќајна сигнализација и се препорачува крајно внимателно управување со возилата, почитување на сообраќајната сигнализација и прилагодување на брзината спрема условите на патот.

АД Гранит известува дека поради продолжување на градежните работи на делот од трасата на патниот правец А3 Битола – Макази и добиеното одобрение за времена измена на режимот на сообраќајот, пренасочувањето на сообраќајот од бензинската пумпа на Лукоил до клучката за с. Ротино и понатаму продолжува со важност.

Според сообраќајниот проект тех.бр.155/2015 за времена измена на сообраќајот на патен правец Скопје – Миладиновци – Куманово сообраќајот ке се одвива (десно после наплатна станица Миладиновци) преку автопатот Куманово – Велес се до клучката кај аеродромот Александар Велики до приклучокот на автопат Велес – Куманово. 

Oд 15.01.2016 година, на патниот правец Кадрифаково - Штип, од км. 217+818 до км. 219+918, од 08:00 - 16:00 часот ПРО ГЕО ДОО КУМАНОВО ќе врши геодетски мерења согласно добиените дозволи. Имено, ќе се врши геодетско снимање на асфалтниот дел од трупот на патот на потегот од Клучка Штип до с. Три Чешми. Сообраќајот во моментот на мерењето ќе се одвива согласно Сообраќаен проект за времено одвивање на сообраќајот и со соодветна сообраќајна сигнализација.

Г.Д.Гранит А.Д. Скопје, ОЕ – Нискоградба Исток од 11.12.2015 започна со реконструкција и надградба на автопат, делница Смоквица - Гевгелија, како дел од Коридорот 10. Ве известуваме дека сообраќајот се одвива под времен режим. 

Друштвото АСФАЛТ ДОО Скопје известува дека поради изведување на градежни работи за изградба на електронски систем за наплата на наплатна станица Романовце, во периодот од 12.01.2016 до 12.07.2016 на државниот пат А1, делница Куманово - наплатна станица Романовце и обратно, сообраќајот се одвива согласно Одобрението за времен режим на сообраќај бр. 11-уп-143/4 од 12.01.2016 издадено од Министерството за транспорт и врски на Р. Македонија. Ги предупредуваме возачите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од новопоставената сообраќајна сигнализација.

Градежно Друштво “Гранит” АД Скопје РЕ Свети Николе - Штип изведува градежни работи за градба на државниот пат А4, делница Свети Николе – Штип од км 26+396,00 до км 47+107,00. Со почеток од 21.05.2015 целосно е затворена делницата од км 28+520 (Свети Николе) до км 38+500 (постојана клучка Кадрифаково) и ова затворање ќе трае до целосно завршување на активностите (период од 2 години). Целокупниот сообраќај се пренасочува преку регионалниот пат P 1204. Сите активности се во согласност со Одобрението за времен режим на собраќај бр.1005 од 28.мај.2014 година издадено од Министерството за транспорт и врски на Р.Македонија .

Поради извршување на градежни активности на државниот пат А3, делница Велес – Кадрифаково, сообраќајот се одвива под времен режим и тоа:
-    од крајот на трета лента (депонија Велес) до с. Лозово,
-    и од с. Лозово преку с.Сарамзалино до клучка Кадрифаково.

Ги предупредуваме возачите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од новопоставената вертикална сигнализација.