ПРЕКИН НА СООБРАЌАЈ: Според информација од Мануфактура продукција, денес 13.11.2015 (петок) автопатот А1 (делницата од Мотел Македонија до Градско) ќе биде затворен за сообраќај од 05:00 до 18:00 часот, поради снимањето на филмот “A Fond”. Сообраќајот ќе се одвива по стариот пат.

ПРЕКИН НА СООБРАЌАЈ: На ден 13.11.2015 (петок) поради изведување работи на пат (минирање) на патот А2 Кичево – Охрид на делот помеѓу Пресека – с. Врбјани сообраќајот ќе биде во прекин 15 – 20 минути помеѓу 13:00 – 15:00 часот. 

ИНФОРМАЦИЈА: Од ЕВН најавуваат дека денес, 13.11.2015 (петок) во време од 08:20 до 15:30 часот ќе има кратки, вонредни прекини во тунелот Катланово во времетраење од по 30 минути.

ВНИМАТЕЛНО: АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани - Делчево, Виница - Берово каде е можна почеста појава на одрони. 

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

ЗИМСКА ОПРЕМА: Од 15 Ноември започнува законската обврска за поседување на зимската опрема во возилата. Оваа обврска трае до 15 Март следната година. Според новиот закон за безбедност во сообраќајот на патиштата, зимската опрема е задолжителна „во сообраќај на пат“, што подразбира и во населени места.

Што се подразбира под зимска опрема можете да прочитате во Правилникот за задолжителна опрема во возилото.

РАБОТИ НА ПАТ: 

Друштвото АСФАЛТ ДОО Скопје известува дека поради изведување на градежни работи за изградба на електронски систем за наплата на наплатна станица Романовце во периодот од 29.10.2015 до 28.03.2016 на магистрален пат А1, делница Куманово - наплатна станица Романовце и обратно, сообраќајот се одвива согласно Одобрението за времен режим на сообраќај бр. 24.3-60091/1 од 28.09.2015 издадено од Министерството за транспорт и врски на Р. Македонија. Ги предупредуваме возачите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од новопоставената сообраќајна сигнализација.

Од АД Гранит известуваат дека поради изведување на градежни работи од 01.09.2015 до 30.11.2015 државниот пат А3 делница Битола - Макази, фаза 1-ва од клучката кај бензинската Лукоил до клучката за с. Ротино, ќе биде затворена за сообраќај, а сообраќајот ќе се пренасочува по стариот пат Битола - Ресен. Пренасочувањето ќе биде обележано со соодветни сообраќајни знаци, согласно на Основниот сообраќаен проект за времен режим на сообраќај.

Градежно Друштво “Гранит” АД Скопје РЕ Свети Николе -Штип известува дека ги изведува градежните работи за градба на Магистралниот пат А4 ,делница Свети Николе – Штип од 26+396,00 до км47+107,00. Со почеток 21.05.2015 (четврток) од 9 часот ,се планира целосното затворање до целосно завршување на активностите (период од 2 години) за сообраќај на Делницата на потез км 28+520(Свети Николе) до км 38+500(постојана клучка Кадрифаково) со пренасочување на целокупниот сообраќај преку Регионален пат P 1204. Сите активности се во согласност со Одобрението за времен режим на собраќај бр.1005 од 28.мај.2014 година издадено од Министерството за транспорт и врски на Р.Македонија .

Поради изведување работи на мостовите и асфалтирање на патниот правец Велес - Скопје (од Штипска клучка до тунелот Катланово) сообраќајот се одвива по една коловозна лента, за што е поставена соодветна сообраќајна сигнализација.

Поради извршување на градежни активности на државниот пат А3, делница Велес – Кадрифаково, сообраќајот се одвива под времен режим на сообраќај, и тоа:
-    од крајот на трета лента (депонија Велес) до с. Лозово,
-    и од с. Лозово преку с.Сарамзалино до клучка Кадрифаково.

Ги предупредуваме возачите да пристапуваат внимателно и со намалена брзина кон местата на кои се изведуваат работи на пат и да се придржуваат кон упатствата од новопоставената вертикална сигнализација.